جاپان انٹرنیشنل پریس کلب کے ممبرارکان، کمیونٹی کی حقیقی آواز کو بلند کریں اور کسی بھی منفی راہ پر چلنے سے گریز کریں۔

جاپان انٹر نیشنل پریس کلب

جاپان انٹرنیشنل پریس کلب کے ممبرارکان، کمیونٹی کی حقیقی آواز کو بلند کریں اور کسی بھی منفی راہ پر چلنے سے گریز کریں۔
جاپان انٹرنیشنل پریس کلب کی جانب سے جاری کرد ہ بیان میں کسی بھی نیٹ پر شائع ہونے والے ہر اس بیان اور خبر کی پرزور مذمت کی گئی ہے جو کمیونٹی پر منفی اثرات پیدا کرے اور انتشار کی وجہ بنے جاپان انٹرنیشنل پریس کلب جاپان ہمیشہ کی طرح کمیونٹی کو متحد رکھنے کی کوشش جاری رکھے گا اور کسی ا یسی سرگرمیوں کی حوصلہ افزائی نہیں کرے گا جس سے کسی بھی شخص کی ذات یا شہرت کو نقصان پہنچے ۔
جاپان میں ہونے والے حالیہ واقعات کو دیکھتے ہوئے جاپان انٹرنیشنل پریس کلب تمام فریقین سے درخواست کرتا ہے کہ تمام لوگ افہام وتفیہم  اور درگزر سے کام لیں کیونکہ یہ وقت ایسا نہیں ہے کہ ہمارے کچھ باعزت ممبران آپس کی لڑائی میں اس آفت کو بھول جائیں جو اس وقت قدرت کی طرف سے جاپان پر آئی ہوئی ہے اور جس کی وجہ سے نہ صرف جاپانیوں کو نقصان ہوا بلکہ ہمارے پاکستانی بھائی بھی بری طرح متاثر ہوئے ہیں ۔
 اس مشکل گھڑی میں کوئی بھی ا یسی حرکت جس سے کمیونٹی میں انتشار پیدا ہو پاکستان کمیو نٹی  کے لئے نقصان دے ہو سکتی ہے جس طرح تمام پاکستانی کمیونٹی متحد ہو کر جاپان میں متاثرین کی مدد کر ر ہی ہے پریس کلب کے تمام ممبران کو چاہیے کہ پاکستانی کمیونٹی کی ان کوششوں کو اپنے نیٹوں پر اجاگر کریں اور ہر اس بات سے اجتناب کریں جس سے کہ اس نیک کام میں کوئی رکاوٹ پیدا ہو۔
 اور کمیونٹی اپنے اس نیک مقصد سے ہٹ جائے اور کسی دوسری طرف توجہ مبدول کر لے جس کا کوئی حاصل نہ ہو۔
اسی سلسے میں جاپان انٹرنیشنل پریس کلب  جلد ہی ایک اجلاس بلانے کی منصوبہ بندی کررہا ہے جس میں تمام فریقین کو مدعو کیا جائے گا تاکہ آپس کی غلط فہمیوں کو دور کیا جا سکے اور دوبارہ سے ایک دوستانہ اور پر امن ماحول قائم ہو سکے ۔جاپان انٹرنیشنل پریس کلب جن مقاصد کے لئے قائم کیا گیا تھا آج بھی انھی صولوں پر گامزن ہے ۔ہمارے لئے جاپان میں ہر پاکستانی  قابلَ احترام ہے اور ہم نہیں چاہتے کہ کوئی کسی کی ذات پر کیچڑ اُچھالے،
لہذا تمام فریقین صبر و تحمل کا مظاہر ہ کریں اور دیکھیں آپ کی لڑائی سے کوئی تیسری قوت تو فائدہ نہیں اٹھا رہی ہے ۔
جاپان انٹرنیشنل پریس کلب