اخبار : جاپان ضرورت پڑنے پر مزید یورپی بانڈ خریدنے کو تیار ہے تاکہ قرضوں تلے دبے یوروزون کی مدد کی جاسکے، وزیر خزانہ نوڈا یوشیکو نے جمعے کو کہا۔ جاپان، جنوری میں جاری کیے گئے بانڈز کا 20% خریدنے کے علاوہ، ضرورت پڑنے پر یورپی مالیاتی استحکام کے ادارے (ای ایف ایس ایف) کے بانڈز میں مزید سرمایہ کاری کرے گا، نوڈا نے صحافیوں کو بتایا۔
“ہم (ہنگامی قرضوں کی سہولت) میں اسی رفتار سے مزید شرکت کرنا چاہیں گے تاکہ اس سے یورپی یونین کی معیشتوں کو مستحکم کرنے میں مدد مل سکے،” نوڈا نے کہا۔
ان کے یہ خیالات یوروزون کے رہنماؤں کے اس معاہدے کے بعد سامنے آئے ہیں جس میں یونان کو 109 بلین یورو (155 بلین ڈالر) کا امدادی پیکج دینے کی منظوری دی گئی ہے، اس ڈیل میں بینکوں اور نجی سرمایہ کاروں کو بھی مدد دینے کو کہا گیا ہے۔
ای ایف ایس ایف کو اختیار ہوگا کہ وہ بگاڑ کو روکنے کے لیے پیشگی اقدامات کرسکے، جس میں متاثرہ ممالک کے بینکوں کو مالیاتی مدد کی فراہمی اور ان کے بانڈز کی نام نہاد ثانوی مارکیٹ سے سستے داموں خریداری شامل ہے۔
وزارت خزانہ کے مطابق جاپان نے جنوری اور جون میں 2.68 بلین یورو (3.8 بلین ڈالر) کے ایس ایف ایس ایف بانڈ مجموعی طور پر خریدے تھے۔
