اخبار:
فورانو، ہوکائیدو میں پیر کو ایک کار حادثے میں 3 لوگ ہلاک ہوگئے جبکہ ایک شدید زخمی ہوگیا۔ پولیس نے کہا کہ کار میں 70 کے پیٹے میں ایک جوڑا سوار تھا جو صبح دس بجے کے قریب ایک ٹرک سے ٹکرائی، جب کار کا ڈرائیور آنے والی ٹریفک کی لین میں گھس بیٹھا۔ پولیس کے مطابق سڑک پر موسم صاف تھا اور دیکھنے میں کوئی رکاوٹ نہ تھی لیکن پھر بھی ایسی کوئی نشانی نہیں ملی کہ ڈرائیور نے بریک لگائے تھے۔
این ایچ کے نے اطلاع دی کہ کار کا ڈرائیور 79 سالہ اسامو یوشیما اور اس کی بیوی 77 سالہ کیو یوشیما روٹ 38 پر دوستوں 78 سالہ تاکی کاتسو اوساوا اور اس کی 73 سالہ بیوی امیکو اوساوا کے ہمراہ فورانو کے راستے اشی بیتسو گولف کھیلنے جا رہے تھے جب یہ ٹکر واقع ہوئی۔ ٹکر کے فوراً بعد چاروں کو ہسپتال پہنچایا گیا جہاں یوشیما میاں بیوی اور امیکو اوساوا کی موت کا اعلان کر دیا گیا۔ تاکی کاتسو اوساوا کی حالت نازک ہے۔
