اخبار:
ٹوکیو؛ وزیر خارجہ کوچیرو گیمبا اتوار کو نیویارک کے لیے نکلیں گے جہاں وہ امریکی وزیر خارجہ ہیلری کلنٹن سے پیر کو ملاقات کریں گے۔
گیمبا، جو نیویارک میں اقوام متحدہ کی جنرل اسمبلی کے اجلاس میں شرکت کریں گے، کی کلنٹن سے ملاقات میں امریکی ائیر بیس کی فوتینما سے ناگو منتقلی پر مذاکرات کے ساتھ ساتھ شمالی کوریا اور آزاد تجارت کے سلسلے میں ٹرانس پیسیفک پارٹنر شپ فریم ورک پر بات چیت شامل ہے۔
26 اگست کو عہدہ سنبھالنے کے بعد گیمبا نے کلنٹن سے فون پر گفتگو کی تھی اور انہیں یقین دلایا تھا کہ حکومت پچھلے سال طے پانے والے معاہدے کی پابندی کرے گی جس کے تحت اڈے کی ناگو منتقلی کی جائے گی۔ گیمبا نے یہ بھی کہا تھا کہ جاپان کے امریکہ سے تعلقات اب بھی جاپان کی خارجہ پالیسی کی بنیاد ہیں۔
گیمبا، جو اگلے ہفتے تک نیویارک میں رہیں گے، کی چینی وزیر خارجہ یانگ جیچی، جنوبی کورین وزیر خارجہ کم سنگ ہوان اور روسی وزیر خارجہ سرگئی لاوروف سے ملاقات طے ہے۔
