ٹوکیو (رپورٹ: شاہد مجید) ٹوکیو کے مشہور علاقے اِکی بکرو میں بنگلہ دیش کمیونٹی نے اپنے مشہور میلے بھوئی شاکی کا اہتمام گزشتہ اتوار کے روز کیا۔
حسب روایت میلے میں بنگلہ کمیونٹی کی ہی اکثریت نے بھرپور شرکت کی۔ چھنکتی ہوئی چوڑیاں بنگلہ دیشی ساڑھی میں ملبوس خواتین کی بڑی تعداد بھی موجود تھی۔ میلے میں ایشیائی کھانوں کے اسٹالز بھی لگائے تھے جہاں پر بنگلہ بھاشہ میں آنے والے گاہکوں کی تواضع کی جارہی تھی۔
میلے کا افتتاح جاپان میں بنگلہ دیش کے سفیر مسعود بن موہن کی افتتاحی تقریب سے ہوا۔ جاپانی اور بنگلہ دیش کے قومی ترانے پڑھے گئی۔ افتتاحی تقریب کے موقع پر اِکی بکرو کی مقامی حکومت کے نمائندے بھی موجود تھی۔
رات گئے تک جاری رہنے والے بھوئی شاکی میلے کے شاندار انتظامات کیے گئے تھے اور بنگلہ دیش کے مختلف ثقافتی پروگرام بھی پیش کیے جاتے رہی۔ یاد رہے 27 اور 28 اپریل کو ٹوکیو کے معروف علاقے وینو پارک میں پاکستان بازار بھی سفارتخانہ پاکستان کے زیر اہتمام لگایا جارہا ہے
جس میں پاکستانی ثقافت ڈھول مہندی اور دیگر پروگرام پیش کرنے کے ساتھ ساتھ پاکستانی کھانوں کے اسٹالز بھی لگائے جاتے ہیں۔ اس سلسلے میں انتظامات کیے جارہے ہیں۔
۔۔۔۔۔۔
